Futbollisti me origjinë shqiptare që po shkëlqen te klubi i Veronës, Marash Kumbulla ka kërkuar që të zëvendësohet që në pjesën e parë të takimit të skuadrës së tij me Bologna-n.
Kumbulla u detyrua që të linte në mes ndeshjen për shkak të problemeve me shikimin.
Në një komunikim të klubit të Veronas me mediet italiane bëhet me dije se 19-vjeçari shqiptar pati probleme me migrenën okulare, e cila turbullon shikimin.
Ndërsa, më tej shtohet se Kumbulla është duke u mbajtur nën vëzhgimin mjekësor dhe nëse do të jetë e nevojshme do kryhen të gjitha vizitat dhe analizat.
Njoftimi i klubit të Veronës:
Klubi i Veronës njofton se futbollisti Marash Kumbulla kërkoi të zëvendësohej në pjesën e parë të takimit kundër Bolonjës për shkak të migrenës okulare, e cila turbullon përkohësisht shikimin.
Futbollisti do të mbahet nën vëzhgim dhe nëse do të jetë e nevojshme, do t’i nënshtrohet kontrolleve mjekësore në orët e ardhshme./Fjala.al/
