Dhomat e Specializuara të Prokurorisë në Hagë do të thërrasin për hetimet e saj gjatë luftës në Kosovë, deputetë dhe ish-pjesëtarë të UÇK-së.
Deputeti i PDK-së, Elmi Reçica, bashkë me ish-ushtari i UÇK-së, Xhevahir Geci janë thirrur nga prokuroria e Hagës për t’u pyetur mbi ngjarjet e luftës në Kosovë.
Përveç Reçicës, Haga ka thirrur edhe deputetin tjetër të PDK-së, Ferat Shala. Ky i fundit do t’i përgjigjet ftesës më 5 shkurt, ndërkohë që nuk dihet se në çfarë cilësie.
Më herët, janë thirrur nga Specialja edhe ish-pjesëtarët e UÇK-së, Bahri Gashi e Imer Zogaj.
Gjithashtu, i pari që u thirr nga Specialja në vitin 2020, është ish-ushtari, Agron Limani. Ky i fundit fajësoi deputetët e Kosovës për votimin e Ligjit për Specialen.
Specialja ka ftuar edhe dy ish-pjesëtarë të UÇK-së, nga Zona Operative e Drenicës, Abedin Daka nga fshati Ceravik i Komunës së Klinës, i cili është edhe vëlla i dëshmorit, Mirush Daka, si dhe Sherif Tahiri nga fshati Tërdevc i komunës së Drenasit.
Në total, Specialja për 18 ditë ka thirrur 8 persona. Ngritja e aktakuzave pritet të jetë çështje ditësh. Ndërsa së fundmi, Dhomat e Specializuara të Gjykatës dhe Prokurorisë, kanë hapur 33 vende të lira pune, të cilat kanë të bëjnë direkt me procesin e mbajtjes së seancave./Fjala.al/
