Ekspertët janë të frikësuar se një lloj virusi i cili po transmetohet nga personi në person do të përhapet në të gjithë planetin.
Çfarë është ky lloj virusi?
Ky virus quhet koronavirus roman, që do të thotë se është anëtar i familjes koronavirus, i cili nuk është hasur më parë. Ashtu si koronaviruset e tjerë, ky virus mund të ketë ardhur nga kafshët, ose ndoshta nga ushqimet e detit. Shumë nga të prekurit punonin në tregun ku shiteshin produkte deti me shumicë. Viruse të reja shqetësuese zakonisht e kanë origjinën nga kafshët.
Ky virus prek frymëmarrjen dhe ka një ngjashmëri me Sars dhe Mers.
Sindroma e rëndë akute e frymëmarrjes (Sars) dhe sindromi i frymëmarrjes së Lindjes së Mesme (Mers) shkaktohen të dy nga kafshët.
Virusi shkakton pneumoni. Ata që janë sëmurur raportohet se vuajnë nga kolla, ethe dhe vështirësi në frymëmarrje. Antibiotikët nuk do të bënin punë në të tilla raste. Mund të përdoren ilaçe antivirale, por zakonisht ato vetëm pakësojnë ashpërsinë e simptomave. Rimëkëmbja pas këtij virusi do të varet nga forca e sistemit imunitar të të prekurve.
Transmetimi o këtij virusi nga një person te tjetri mendohet se është e mundur. Që nga 20 janari autoritetet kineze kishin kapur 139 raste, dyfishin e numrit të raportuar më parë dhe tre vdekje. Ekspertët mendojnë se mund të ketë rreth 1700 raste por janë në gjendje jo shumë të rëndë dhe nuk mund të zbulohen fare.
Virusi mund të përhapet më gjerësisht nga personi në person gjatë festave pasi miliona njerëz mund të udhëtojnë për të festuar. Duket se njerëzit me shëndet të dobët kanë rrezik më të madh për tu prekur, por autoritetet janë shqetësuar se virusi do të bëhet më i fuqishëm se sa duket deri tani./Fjala.al
Burimi : The Guardian
