Nipi i Mbretëreshës Elizabeth II u shfaq shumë i prekur të dielën në mbrëmje gjatë një darkë bamirësie në Londër. Ai u shpreh se po kërkonte “një jetë më të qetë” dhe kjo e çoi në marrjen e këtij vendimi.
Në fjalimin e tij ai u shpreh se ishte një “trishtim i madh” por pa pasur “ndonjë zgjedhje tjetër” ai u detyrua që të tërhiqej nga monarkia britanike.
“Vendimi që mora për gruan dhe veten time nuk u mor me lehtësi”, u shpreh ai.
Harry ka justifikuar gruan e tij duke thënë se vendimi është marrë pas muajsh bisedimesh dhe pas shumë vite sfidash. Në këtë fjalim të parë publik mbi këtë temë që nga njoftimi i tërheqjes së tij, ai kërkoi falje duke thënë se jo gjithnjë i ka bërë gjërat ashtu si duhet por pa specifikuar cilat gjëra.
“Ne shpresuam të vazhdojmë t’i shërbejmë Mbretëreshës, Komonuelthit dhe shoqatave të mia ushtarake, por pa fonde publike. Fatkeqësisht, kjo nuk ishte e mundur, ” tha ai./Fjala.al
