Skuadra angleze e Everton është duke mbajtur në vëzhgim futbollistin gjerman të Juventus, Emre Can. Nga raportimi “The Mirror” bëhet me dije se eksperiencës së Can te “Zonja e Vjetër” po i vjen fundi.
Deri më tani mësohet se klubi anglez është më i interesuari për të blerë mesfushorin e bardhezinjëve të Italisë. Simpatia e trajnerit të ri të Everton, Karlo Ancelottit për lojtarin gjerman i ka bindur drejtuesit që të bëjnë një ofertë të mirë për Can.
Tekniku italian i ka vënë kusht vetes përforcimin e skuadrës para se të mbyllet merkato e dimrit dhe të ngjitet në renditjeje e kampionatit më të madh të futbollit të Angli, atë të Premier Ligës.
Skuadra e Evertonit është e gatshme të japë plot 35 milionë euro për të blerë kartonin e gjermanit dhe duket se kjo shifër është tunduese për italianët e drejtuar nga tekniku Mauricio Sarri, i cili nuk e ka në planet e tij të së ardhmes mesfushorin./Fjala.al/
