Kryeministri Edi Rama ka mbërritur në zonën e nxehtë e konfliktit mes Ukrainës dhe Rusisë.
“Kharkivit, Ukrainë – Në pikën e Kontrollit “Stanica Luganska”, ku ndahet edhe zona e konfliktit”, shkruan Rama në Facebook duke postuar njëkohësisht edhe një video ku duket i shoqëruar edhe nga disa ushtarakë vendas.
Më parë se kaq Rama kishte postuar një tjetër video duke zbritur nga një helikopter ushtarak dhe shkruante: “Kharkivit, Ukrainë – Mbërritja në bazën “Shiroky”.
Në video dukeshin edhe përfaqësuesit e tjerë të misionit të OSBE si dhe shoqëruesit e tij të pajisur me jelek antiplumb.
Në këtë mënyrë Kryeministri Rama, në cilësinë e kreut të Presidencës së OSBE-së, ka vazhduar axhendën në ditën e dytë të vizitës së tij në Ukrainë, në një nga zonat në lindje të prekura nga konflikti me Rusinë.
