Gjykata e Tiranës la në burg 7 të arrestuarit e operacionit ‘Tranzit’, mes tyre edhe vëllanë i ish-shefit të Qarkullimit të Dibër. Pasi prokuroria kërkoi ‘arrest me burg’ për të arrestuarit, të njëjtën masë caktuan dhe togat e zeza. Kështu pas hekurave janë Edmond Rajta, Pajtim Aga, Shkëlzen Mazari, Devis Mija, Fatjon (Paulin) Dodaj, Marsida Piperi dhe Arjet Halilaj.
Policia ra në gjurmët e grupit kriminal pasi prokuroria e Dibrës kishte nën përgjim pikërisht Pajtim Agën, vëllanë e shefit të policisë, i cili doli në përgjimet e gazetës gjermane Bild teksa fliste me Damian Gjiknurin.
Aga dyshohej, në fakt, për një vepër tjetër penale. I vetmi që pranoi se droga i përkiste atij ishte Shkëlzen Mazari. Dyshimet janë se Aga dhe Rajta çuan drogën në shtëpinë e Mazarit. Nipi i këtij të fundit Devis Mija mori makinën dhe doli nga oborri i banesës por policia e arrestoi 200 metra me tej. Ndërkohë, sasia tjetër e drogës u kap në Gjirokastër.
Operacioni
Më 18 janar Policia e Shtetit arrestoi 7 persona dhe sekuestroi 32.5 kg lëndë narkotike cannabis sativa në formë çokollate gjatë operacionit të koduar “TRANZIT”. Shtetasit e lartpërmendur kishin siguruar lëndë narkotike të llojit “Cannabis sativa në formë çokollate” në shtetit grek, lëndë të cilën e kishin kaluar nëpërmjet kufirit nga Konispoli, nëpërmjet dy shtetasve me banim në Gjirokastër.
Me pas lënda narkotike do të transportohej në qytetin e Tiranës, me qëllim për ta nisur më vonë në një qytet në veri të vendit, për ta trafikuar jashtë Shqipërisë. Gjatë operacionit në cilësinë e provës materiale u sekuestruan 32.5 kg lëndë narkotike kanabis sativa në formë çokollate, 6 aparate celulare dhe 2 automjete. Pas operacionit, u pezullua nga detyra shefi i qarkullimit Dibër, Robert Aga!
Në fakt u kërkua , emri i të cilit doli edhe në përgjimet e publikuara nga Bild për zgjedhjet në Dibër. /Fjala.al/
