Virusi i përhapur në Kinë që deri më tani ka vrarë 9 njerëz mund të përhapet edhe në vende të tjera.
Virusi nisi në qytetin Wuhan, në disa provinca kineze, tani është përhapur edhe në SHBA, Tajlandë dhe në Korenë e Jugut.
Autoritetet pranuan se vendi ishte tani në “fazën më kritike” të parandalimit dhe kontrollit të këtij virusi.
Kina konfirmoi më herët se transmetimi i virusit nga njeriu tek njeriu kishte ndodhur.
Virusi, është një lloj i ri i koronavirusit që nuk është identifikuar më parë tek njerëzit.
Shenjat që jep ky virus janë simptoma të tilla; si ethe, kollë, gulçim dhe vështirësi në frymëmarrje.
Sipas autoriteteve kineze të shëndetësisë virusi deri tani është vërtetuar se mund të transmetohet përmes rrugëve respiratore te njeriu, shkruan BBC.
Deri më tani nuk dihet burimi i vërtetë i këtij virusi, megjithëse ka dyshime të forta se ai ka ardhur nga kafshët e egra. Për këtë arsye është ndaluar transporti dhe shitja e këtyre kafshëve.
Ndërkaq, ditën e sotme, Organizata Botërore e Shëndetësisë do të zhvillojë edhe një mbledhje urgjente për të diskutuar mbi parandalimin e këtij virusi./Fjala.al/
LEXO EDHE:
Virusi vdekjeprurës po vë në rrezik botën? Mblidhet me urgjencë OBSH
