Dje u luajt në Korçë ndeshja e javës së 18-të midis Skënderbeut dhe Partizanit, e cila u mbyll me rezultatet 3-2.
Përveç emocioneve të shumta të kësaj përballjeje, që mbajti të lidhur tifozerinë deri në sekondën e fundit të lojës, në stadium pati edhe probleme.
Një tifoz tentoi të hyjë në fushë pas penalltisë së Partizanit ndaj Skënderbeut në minutën e 6-të të lojës, ndërsa të tjerë persona kanë shfaqur dhunë e kanë thyer stolat.
Në një njoftim të Policisë së Shtetit bëhet me dije se është arrestuar një person dhe po proceduar penalisht një tjetër, pas ndeshjes së djeshme.
Po ashtu policia informon se ata kanë prishur qetësinë publike, duke hedhur në fushë lëndë piroteknike.
“Kryen veprime të dhunshme gjatë ndeshjes së futbollit Skënderbeu-Partizani, zhvilluar ditën e djeshme në stadiumin “Skënderbeu”, arrestohet në flagrancë 1 shtetas si edhe procedohet penalisht 1 tjetër.
Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasit: V. K., 54 vjeç, banues në Korçë, si edhe filluan procedimin penal në gjendje të lirë ndaj shtetasit I. J., 17 vjeç, banues në Korçë.
Dy shtetasit e mësipërm, gjatë ndeshjes së futbollit Skënderbeu-Partizani, zhvilluar ditën e djeshme, kanë kryer veprime të dhunshme duke thyer stolat e stadiumit “Skënderbeu” në Korçë, si dhe kanë prishur qetësinë publike duke hedhur në fushë lëndë piroteknike.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme”-thuhet në njoftimin e Policisë së Shtetit./Fjala.al/
