Presidenti francez Emmanuel Macron gjatë turneut të tij në qytetin historik të Jerusalemit, ka pasur përplasje të fortë me policinë izraelite.
Macron akuzoi oficerët për shkelje të rregullave që i pengojnë ata të hyjnë në Kishën e epokës së kryqëzatave të St Anne, e cila konsiderohet territor francez.
“Nuk më pëlqen ajo që bëtë para meje. Dil jashtë, të lutem,” i’u drejtua ai në anglisht. “Askush nuk duhet të provokojë”, shtoi ai.
Më tej ai tha: “Më vjen keq, por ne i dimë rregullat. Askush, askush nuk duhet të provokojë, askush. Ne mbajmë qetësinë”.
Ai më pas i thotë një oficeri: “Ne patëm një shëtitje të mrekullueshme. Ju bëtë një punë të shkëlqyeshme në qytet. Unë e vlerësoj atë djema. Ju lutemi respektoni rregullat siç janë me shekuj. Ata nuk do të ndryshojnë me mua. Unë mund t’ju them, mirë?”
Duhet të rikujtojmë se një incident i ngjashëm ka ndodhur edhe me Presidentin e ndjerë francez Zhak Chirac në vitet 1990.
Macron është në Jerusalem për të marrë pjesë në Forumin e Pestë të Holokaustit, i cili shënon 75 vjetorin e çlirimit të kampit të përqendrimit Aushvic-Birkenau.
Kisha e Shën Anës, e cila daton që nga viti 1138, është kisha më e ruajtur e periudhës së Kryqëzatave në Jerusalem. Sipas gojëdhënës së krishterë, kriptori përfshin shtëpinë e Virgjëreshës Mari dhe prindërit e saj.
Kisha ndodhet në Jerusalemin Lindor të okupuar, në veri të vendit kodrinor të njohur për myslimanët si al-Haram al-Sharif dhe për Hebrenjtë si Mali i Tempullit.
Flamuri francez është valëvitur mbi Kishën e Shën Anës që nga viti 1856. Kisha iu dhurua shtetit francez nga ana e Perandorisë Osmane si gjest mirënjohjeje për ndihmën në Luftën e Krimesë.
Ministria e jashtme izraelite nuk ka pasur asnjë reagim mbi incidentin e ndodhur.
Coup de colère de #Macron contre la police israélienne à Jérusalem. Dans les pas de Chirac en 1996 pic.twitter.com/DKP5ICThTK
— Ava Djamshidi (@AvaDjamshidi) January 22, 2020
