Ndeshja e ditës së djeshme midis Luftëtarit dhe Kukësit, e cila u mbyll me barazimin 0-0, pati një sërë akuzash dhe pas përfundimit të saj vazhduan diskutimet për vendimet e gjyqtarit të lojës, të cilat u quajtën të padrejta.
Gjirokastritëve iu anulua një gol dhe nuk iu dha një penallti, duke ndikuar drejtpërsëdrejti në rezultatin e ndeshjes. Ky rezultat ndikon te pikët e Luftëtarit që renditen të parafundit dhe rrezikojnë rrëzimin nga kategoria.
Në një komunikim me mediet trajneri i gjirokatsritëve, Nikolin Çoçli ia ka hedhur topin Federatës Shqiptare të Futbollit, e cila sipas tij duhet të marrë masa për arbitrat që në mënyrë të pakuptimtë vendosin për fatet e ndeshjeve.
“FSHF-ja duhet të marrë masa për arbitrat që vendosin për lojën në mënyrë ta pakuptimtë, këta arbitra duhet të largohen”-është shprehur Çoçli.
Këto rezultatet e rëndojnë akoma më shumë situatën te Luftëtari, i cili ndodhet plot 12 pikë larg vendit të tetë, i cili mbahet nga Skënderbeu./Fjala.al/
