Pas përfundimit të konferencës për media, i dërguari i Trump për dialogun Kosovë-Serbi, Richard Grenell, i ka thënë presidentit të Kosovës, Hashim Thaçit, se atij do t’i duhet të jetë i ashpër ndaj Kosovës dhe Serbisë në negociata.
“Ne do të duhet të jemi të ashpër në të dyja anët”, ka thënë Grenell, teksa ka vazhduar duke thënë se ai dëshiron zhvillim ekonomik për të dyja vendet.
Por presidenti i Serbisë, Aleksandër Vuçiç, ka deklaruar se e vlerëson entuziazmin e Grenell, por thotë se përshpejtimi i bisedimeve me Kosovën “nuk është aq i lehtë”.
