Kryetar i Grupit Parlamentar për PS-në, Taulant Balla deklaron se nëse SPAK vërteton se në video është kryebashkiaku I Bulqizës i cili konsumon kokainë atëherë ndjejmë neveri.
“Dua të përshëndes SPAK për fillimin e një hetimi të plotë për të qartësuar çdo lloj mëdyshje. Në asnjë rast PS nuk ka marrë dhe nuk do të marrë askënd në mbrojtje. Nuk di pistat por dua ta mbështes. Mezi presim sapo prokuroria të ketë ngritur akuza të caktuara reagimi ynë do të jetë I ashpër.
Si çdo qytetar Bulqizës për një rast të tillë ndjejmë neveri nëse vërtetohet por do ndjejmë neveri për rastet kur parti të caktuara përdorin videomontazhe për të dëmtuar palën tjetër. Nëse prokuroria vërteton çdo lloj akuze dënimi do të jetë maksimal,” theksoi Balla në një deklaratë për median nga kryesia e Kuvendit. /Fjala.al
