Pasi koronavirusi vdekjeprurës, i cili ka lënë 26 viktima ka prekur Kinën autoritetet në vend kanë marrë vendimin që të ndërtojnë një spital brenda 6 ditëve. Spitali me 1000 shtretër dhe një sipërfaqe rreth 270,000 metra katrorë, do të ndërtohet në Wuhan ku është edhe epiqendra e përhapjes së këtij virusi.
Pritet që ky spital të përfundojë në 3 Shkurt dhe ka synim që të trajtojë të gjithë personat e prekur nga virusi, i cili ka vrarë 26 persona dhe ka infektuar rreth 830 të tjerë.
Kjo nuk është hera e parë që Kina ndërton një spital në kohë rekord pasi edhe në vitin 2003 ajo ndërtoi një spital në periferi të Pekinit për të trajtuar personat e prekur me virusin SARS.
Edhe pse Viti i Ri kinez është afër transporti është mbyllur në 14 qytete duke lënë të bllokuar rreth 35 mln banorë./Fjala.al
