Kombëtarja e Francës është duke parë mundësitë për të zëvendësuar trajnerin Didie Deshampin dhe duket se favoriti është tekniku i Real Madrid Zinedine Zidane. Ky lajm është konfirmuar nga vetë presidenti i Federatës Franceze të Futbollit, Noel Lë Gre.
Zidane është përfolur edhe më parë për të marrë drejtimin e kampionëve të botës, por ai zgjodhi të kthehej në “Santiago Bernabeu” vitin e kaluar.
“Ditën që Didie vendos të largohet apo kontrata e tij të mos rinovohet, nëse Zidan do të jetë i disponueshëm në atë periudhë, ai do të jetë kandidati për këtë rol”,-u shpreh Lë Gre për televizionin “Canal+”.
Ndërsa, tekniku aktual i francezëve, i cili është bashkuar me “Les Bleus” në vitin 2012 ka rinovuar sërish kontratën që parashikohet të zgjasë deri në përfundim të Botërorit të Katarit në 2022-in.
“Kemi Botërorin e Katarit. Didier do të jetë atje dhe ndoshta më pas nuk e di”,-tha ndër të tjera presidenti i FFF-s.
Vetë Deshamp e ka përkrahur kërkesën e presidentit të FFF-së dhe ka dalë pro marrjes së drejtimit të Kombëtares nga ish shoku i tij i skuadrës.
Zidane dhe Deshamp fituan Kupën e Botës si lojtarë të Francës në vitin 1998, përpara se ish-trajneri i Juventusit të udhëhiqte vendin e tij drejt Botërorit të 2018-ës në Rusi./Fjala.al/
