Pasi firmosi sot në mëngjes bashkë me presidenten e KE Ursula von der Leyen marrëveshjen e BREXIT, të daljes së Britanisë së Madhe nga BE, Presidenti i Këshillit Europian, Charles Michel është nisur drejt Tiranës. Ish- kryeministri belg do të takohet në mesditë në orën 12:50 me kryeministrin e Shqipërisë Edi Rama.
Në orën 13.20 konferencë për shtyp dhe në orën 13:50 një drekë pune.
Gjithashtu, po sot Michel do të vizitojë edhe Maqedoninë e Veriut ku do të takojë gjatë pasdites Presidentin Pendarovski, kryeministrin Oliver Spasovski dhe ministrin e jashtëm Nikola Dimitrov. Vizitë e tij në Shkup do të zgjasë deri nesër.
Herën e fundit që Charles Michel ka qenë në Shqipëri ishte 23 prilli i 2018 ku e vizitoi vendin tonë si kryeministër i Belgjikës kurse tani vjen për herë të parë si Presidenti i ri i Këshillit Europian. Në tetor të vitit të kaluar Michel mbështeti hapjen e negociatave për Shqipërinë dhe Maqedoninë e Veriut. /Fjala.al
