Autoriteti Rrugor Shqiptar, Bashkia e Tiranës dhe Policia e Shtetit po hartojnë një plan të ri për menaxhimin e trafikut ne kryeqytet. Autoriteti Rrugor Shqiptari ka njoftuar në faqen tij zyrtare se në kuadër të fillimeve të punimeve për “Rehabilitimin e Segmentit Rrugor Mbikalimi i Pallatit me Shigjeta – Rrethrrotullimi Shqiponja Loti 1”, po hartohet ditë pas dite plani i ri i menaxhimit të trafikut.
Sipas ARRSH, së bashku me Bashkinë e Tiranës, Policinë Rrugore dhe kontraktorin e punimeve plani në fjalë do të vihet në zbatim në ditët në vijim.
Më shumë se 8 muaj nga skandali që përfshiu projektin e Unazës së Madhe me kompaninë DH Albania, nuk ka ende një datë se kur do të nisin punimet në këtë segment që është kthyer në stres për qyterarët. Minsitria e transportit së bashku me Autoritetin Rrugor thonë se puna do të nisë shpejt por pa dhënë një afat konkret. Projekti i Unzës së Madhe të Tiranës është një investim i nevojshëm për ti dhënë frymarrje trafikut në hyrje të kryeqytetit, por ky projekt shkaktoi një debat të fortë lidhur me kostot e larta me të cilat ai do të ndërtohet.
