Fermerët e fshatit Zvirinë në Bashkinë e Maliqit po përballen për të disatin vit rresht me situatën e vështirë pasi mollët nuk po shiten.
Të njëjtin shqetësim ndajnë dhe pronarët e frigoriferëve të cilët thonë se këtë vit nuk kanë mundur të shesin as 40% e të gjithë prodhimit nga viti i kaluar.
Kryebashkiaku i Maliqit, Gëzim Topçiu sqaron se përveç mungesës së eksportit shkak është bërë dhe cilësia jo e mirë e prodhimit.
Sipas drejtorisë së Bujqësisë në qarkun e Korçës janë prodhuar rreth 75000 ton mollë dhe janë eksportuar 5700 ton mollë konsumi dhe rreth 7000 ton mollë industriale ndërkohë që pjesa tjetër është ruajtur në kushte frigoriferike./Fjala.al
