Katër shoferë kanë rënë në prangat e policisë pasi kanë rezultuar me një përqindje të lartë alkooli.
Gjatë mbrëmjes së djeshme dhe në orët e para të mëngjesit, Policia Rrugore në Tiranë ka kryer 256 teste alkooli te shoferë të ndryshëm. Katër drejtues mjetesh u arrestuan për drejtim mjeti në gjendje të dehur që varionte nga 0.50 mg/l deri në 1.03 mg/l.
11 shoferë rezultuan nën ndikimin e alkoolit të cilëve iu pezullua leja e drejtimit dhe do dalin në komision, duke rrezikuar pezullimin e patentes nga 6 deri ne 12 muaj.
Ndërsa 241 drejtues mjetesh rezultuan nga 0.00 mg/l deri në 0.19 mg/l alkool, brenda limitit të lejuar.
