Forcat speciale RENEA kanë rrethuar që prej orëve të para të mëngjesit Shijakun. Objekt i mësymjes së tyre bëhet me dije se ka qenë një ndërtesë e njohur e cila gjendet në Shijak dhe iu përket emrave proverbial të trafikut të heroinës Altin dhe Emiljano Hajri. Referuar të dhënave të para saktësohet se ka dyshime se në atë ndërtesë të kenë hedhur dyshimet se është mbajtur peng Jak Prenga, i rrëmbyeri i para pak ditësh në Kamzë, rrëmbim për të cilin policia jo vetëm nuk dha asnjë informacion po madje fshehu edhe gjetjen e mjetit të rrëmbimit të djegur në Shkallnur pak orë pas rrëmbimit. Burimet e policisë saktësojnë se objekti luksoz i është nënshtruar një kontrolli të rreptë po se asgjë nuk dihet se çfarë vërtet ka ndodhur në atë vend. Policia e Shtetit ka bllokuar çdo informacion që lidhet me këtë operacion, por saktësohet se të dhënat do të bëhen publike më vonë!
Po kush janë të zotët e kompleksit?
Sipas të dhënave ajo ndërtesë iu përket dy vëllezërit, Altin dhe Emiljano Hajri, të cilën u arrestuan pak vite më parë për llogari të drejtësisë italiane, pasi akuzoheshin si të përfshirë në trafikun e drogës në shtetin fqinj. Aso kohe kur u bë edhe hetimi i një prej grupeve më të fuqishme të trafikut të heroinës, u tha se grupi i shqiptarëve kishte mundu të lëvizte afër 1 ton heroinë. Një kushëriri i parë i tyre, 24-vjeçari Fortuz Hajri, u pagëzua nga media italiane si “ambasadori” i organizatës kriminale. Ai ishte atashuar në Itali, për të komunikuar urdhrat tek drejtuesit e bazave të përpunimit dhe më pas shpërndarjes së lëndëve narkotike.
Dy vëllezërit, Altin dhe Emiljano Hajri para se të shpalleshin në kërkim njiheshin si biznesmenë të fuqishëm në Shijak. Banda e tyre, sipas policisë italiane, arriti të qarkullonte thuajse një ton heroinë për një vit në Itali. Kushërinjtë e Fortuz Hajrit prej vitesh ishin kamufluar në sajë të përdorimit të kodeve, logjistikës dhe deri edhe në fshehjen e 21 personave. Në komunikimet mes tyre vëllezërit përdornin një kod alfanumerik për të komunikuar dhe lëshuar urdhrat tek ushtarët e tyre në Itali. Kodi ishte përdorur në ushtrinë naziste që komunikonte me kode numerike dhe më pas këto numra i përkthente në fjalë. Kjo skemë komunikimi ka futur disa herë në kurth policinë italiane, e cila për vite me radhë nuk arrinte të kuptonte se për çfarë flitej në bisedat e përgjuara.
“Enigma” ka qenë një aparaturë që shërbente për të koduar dhe dekoduar mesazhe elektro-magnetike, që u shpik në fillim të shekullit ‘20 për përdorim tregtar e ushtarak. Gjykata e Venecias nxori urdhër arrest për Fortuz Hajrin me 15 gusht të 2015, në të njëjtin urdhër të lëshuar edhe për Hajri Ballën, një emër i njohur i trafikut të drogës. /Fjala.al/
