Serbia duhet të na kërkojë falje për krimet e 300 viteve të fundit

113 563 lexime

124,178FansaPëlqeje

Nga Adi Krasta 

Marrëdhëniet mes eksponentëve aktualë të politikës së Shqipërisë e të Kosovës nuk e kanë as luksin dhe as kohën të degjenerojnë në zënka banale egosh narciziste. Do na duhet të pranojmë se të gjithë aktorët janë të përkohshëm. Kështu ishte Bolton. Vetë presidenti Trump është me mandat të përcaktuar. Kështu është i dërguari i posaçëm Grenell i cili po aplikon sjelljen ambasadoreske prej skifteri të përshkruar saktësisht nga Paul Richter. I përkohshëm, madje me shumë se të tjerët është kryeministri i Shqipërisë. Ai i Kosovës gjithashtu. Të momentit janë presidente e negociatore.

Nuk duhet të na hutojë retorika bombastike dhe as takimet e ashtuquajtura të nivelit të lartë. Në fund vendimet duhet t’i marrë populli i Kosovës.

Serbia duhet të kërkojë falje zyrtarisht për krimet e të paktën 300 vjetëve të fundit ndaj shqiptarëve. Të pranojë pa asnjë kusht mëvetësinë e Kosovës. Pastaj le të flitet për marrëveshje të përbashkëta apo hyrje në BE. Minishengeni është krijim artificial dhe nuk i bëhet si dhuratë një vendi që ka shkaktuar genocid. Kosova nuk fiton asgjë nga një Minishengen i përkohshëm dhe i pajustifikuar. Shqipëria gjithashtu nuk fiton asgjë që nuk e ka. Prioriteti i Shqipërisë është Kosova. Nuk mund te jete asnjë vend tjetër.

Njerëzit e politikës se marrëveshjeve të shpejta nuk duhet të helmojnë marrëdhënien brenda familjes shqiptare. Nuk duhet tua lejojmë.

Ne Shqipëri duhet të rritet fuqia kritike. Në Kosove nuk duhet të bien pre’ e gjuhës së gjate të politikaneve të përkohshëm. Është konfirmuar në shekuj se ata janë të aftë të shkaktojnë më egoizmin e tyre dëme të parregullueshme.

Le te mbajmë sytë tek topi ynë dhe loja jone!

Të fundit

Anarkia e drejtësisë së re është më e keqe se drejtësia më e politizuar

E vetmja gjë shqetësuese në këtë histori të përgjimeve të SPAK që rrjedhin në media të afërta me klane brenda SPAK-ut,...

Berisha fton Ramën në debat: S’e dua takimin me të, por le të dalim para qytetarëve

Kryetari i Partisë Demokratike, Sali Berisha ka ftuar kryeministrin Edi Rama në një debat si të dojë ai, me qëllim për të treguar programin...

Berisha: Sa të vi në pushtet,do të falet çdo gjobë për dritat, ujin,ndërtimet dhe kamatat

Sali Berisha, gjatë një takimi me banorët e degës nr. 2 në Tiranë, ka premtuar se me ardhjen e PD në pushtet, do të...

Rama i përgjigjet komentuesit: Rrogën mesatare të mësuesve do ta bëjmë 1250 euro

Kryeministri Edi Rama i është përgjigjur një komentuesi në rubrikën e tij “Sy m’Sy”, i cili i thotë kreut të qeverisë që në Shqipëri...

SPAK të distancohet nga mediat e investimit me para të krimit dhe rrogave në të zeza

Nga Carlo Bollino Të përmendesh në një përgjim si gazetar dhe për këtë të paraqitesh publikisht si kriminel, është diçka që ndodh vetëm në një...

Lajme të tjera

Web TV