“Kadare dhe letrat shqiptare” është tryeza e debatit që po zhvillohet nga Akademia e Shkencave me rastin e 84 vjetorit të lindjes së shkrimtarit të shquar shqiptar.
Në këtë tryezë u njoftua se Akademia e Shkencave ka propozuar sërish emrin e Ismail Kadaresë për çminin Nobel në letërsi. Propozimi i është dërguar Akademisë Suedeze.
Kadare ka fituar pothuajse çdo cmim prestigjoz ndërkombëtar në letërsi dhe është vlerësuar nga shumë personalitete botërore për veprat e tij.
Ismail Kadare është një ndër shkrimtarët më të mëdhenj bashkëkohorë. Si shkrimtar shquhet kryesisht për prozë, por ka botuar edhe vëllime me poezi dhe ese. Nisi të shkruajë kur ishte ende i ri, fillimisht poezi, me të cilat u bë i njohur, e më pas edhe prozë, duke u bërë prozatori kryesor shqiptar. Deri më sot veprat e tij janë përkthyer në rreth 45 gjuhë të ndryshme, duke qenë kështu përfaqësues kryesor i letërsisë shqipe nëpër botë.
