Presidenti i Serbisë Aleksandër Vuçiç është rrezikuar nga një aksident i mundshëm me helikopter, duke na kujtuar rastin tragjik të ish-yllit të basketbollit Kobe Bryant.
Megjithatë, presidenti serb, ia ka hedhur paq, teksa piloti i helikopterit ka mundur të mbajë situatën nën kontroll.
Vetë kreu i shtetit serb ka reaguar në lidhje me incidentin në helikopterin me të cilin ai po udhëtonte.
I pyetur nga mediat Vuçiç u shpreh se çdo gjë ishte mirë dhe nën kontroll duke shtuar se piloti bëri atë që duhej. 
“Kushtet e motit na penguan të vazhdonim udhëtimin tonë me helikopter, ndaj u kthyem këtu pranë liqenit në Mrkonjic Grad dhe tani kemi drekën në vend të mëngjesit. Nuk kam frikë, kam fluturuar për shtatë vite rresht. Nuk kam frikë të fluturoj. Piloti zbatoi procedurën normale kur u përball me mot të keq. Çdo gjë është në rregull”– tha Vuçiç në prononcimin e tij.
