Lojtari i Kombëtares Shqiptare të Futbollit, Frederik Veseli nuk dihet ende se në cilën skuadër do përfundojë.
Mbrojtësi është tashmë jashtë planeve të skuadrës së Empolit dhe agjentët e tij nuk kanë gjetur ende se ku do jetë e ardhmja e tij.
Sipas raportimeve të medieve italiane bëhet me dije se Bari i Serisë C është i interesuar për të marrë shqiptarin në radhët e veta, ndërsa shtohet se mbrojtësi kërkohet edhe nga klubi turk i Trabzonsporit.
Ditën e djeshme është shtuar se për Veselin ka hyrë në garë edhe Salernitana. Tekniku i kësaj skuadre, Gian Piero Ventura e pëlqen shumë lojtarin dhe ka shprehur interes të hapur për të. Megjithatë e ardhmja e mbrojtësit të përfaqësuese sonë pritet të vendoset në ditët në vijim./Fjala.al/
