Kreu i Lëvizjes Vetëvendosje, Albin Kurti ka deklaruar se në takimin që patën sot me përfaqësuesin e lartë të BE-së për Politikë të Jashtme dhe Siguri, Josep Borrell, ka deklaruar se dialogu Prishtinë – Beograd duhet të rishikohet.
Kurti ka shkruar në Twitter se me Borell, në Kuvend të Kosovës, kanë diskutuar për dialogun, derisa, shton se ka pohuar se dialogu i lehtësuar nga BE duhet të rishikohet dhe të rivlerësohet.
“Diskutim i frytshëm sot me përfaqësuesin e BE-së, Josep Borrell në vizitën e tij të parë në Kosovë. Unë pohova se dialogu i lehtësuar nga Bashkimi Evropian duhet të rishikohet dhe të rivlerësohet. BE është një forcë për të mirë dhe mbetet e domosdoshme për të ardhmen e rajonit”, ka shkruar Kurti.
