Pentagoni njoftoi të enjten se 64 trupa amerikane pësuan lëndime të lehta traumatike në tru si rezultat i sulmeve që Irani bëri me raketa në dy baza ushtarake në Irak. Gjenerali i ushtrisë Mark Milley, tha se ushtarët janë diagnostikuar me një dëmtim të butë të trurit dhe se kushtet e lëndimit mund të ndryshojnë me kalimin e kohës.
“Truri është një pjesë shumë e brishtë e trupit të një njeriu. Plagët e luftës mund të jenë serioze dhe jo serioze por kjo varet nga njeriu dhe aftësia e imunitetit të tij.”, u shpreh ai.
Nga 64 trupat e diagnostikuar me dëmtime në tru, 39 trupa u trajtuan dhe u kthyen përsëri në detyrë. Sulmi i bazës ushtarake amerikane në Irak, erdhi në shenjë hakmarrjeje në lidhje me sulmin me dron amerikan në 3 janar që vrau gjeneralin e lartë ushtarak të Iranit, Qassem Soleimani.
Më herët, Pentagoni tha se ishin 50 anëtarë të shërbimit të diagnostikuar me dëmtime në tru ndërsa në deklaratën fillestare presidenti Donald Trump u shpreh se nuk u dëmtua asnjë amerikan.
Sipas tij, lëndimet në kokë nuk janë aq serioze sa plagët e luftës dhe situata nuk është aq serioze sa paraqitet./Fjala.al
