“Nuk mund të jetë brenda dhe jashtë”, ka thënë Presidenti francez, Emmanuel Macron, duke iu referuar Britanisë.
Macron theksoi se ky shtet nuk mund të presë që të trajtohet në të njëjtën mënyrë sikur në kohën që ishte pjesë e Bashkimit Evropian.
“Populli britanik ka vendosur të largohet nga Bashkimi Evropian. Nuk do të ketë obligimet e njëjta, andaj edhe nuk do të ketë të drejtat e njëjta”, deklaroi sot Macron.
Presidenti francez deklaroi se do të mbrojë interesat e peshkatarëve, bujqve dhe punëtorëve francezë, në negociatat që do të zhvillohen në të ardhmen mes Britanisë dhe BE-së.
Lideri francez njihet për një linjë të ashpër ndaj Brexitit, që nga fazat fillestare të këtij procesi. /Fjala.al
