Një nga njohësit e zhvillimeve politike në Kosovë, Sefedin Krasniqi deklaron se qeveria Kurti nuk do të votohet të hënën.
Në analizën e tij të publikuar në “Facebook”, Krasniqi ka theksuar se presidenti Hashim Thaçi, pas dështimit të të nominuarit për kryeministër Albin Kurti, do ta mandatojë Vjosa Osmanin nga LDK-ja për kryeministre.
Sipas tij, nëse Osmani e pranon mandatin, dhe më pas do të ndodhë një koalIcion LDK-AAK-NISMA dhe minoritetet, ndërsa kryeministrit të dorëhequr Ramush Haradinajt do t’i ofrohet pozita e presidentit.
Por, Krasniqi ka thënë se Haradinajn në këtë rrugë mund ta pengojë Thaçi, pasi sipas tij, lufta për pushtet nga paslufta është zhvilluar mes Thaçit dhe Haradinajt.
Postimi i plotë i Krasniqit në Facebook:
Të hënën, për fat të keq, Qeveria Kurti nuk do të votohet, nese shkohet pa marreveshje. Qe nga fillimi kam besuar se e verteta e ngecjes së marreveshjes nuk ka ndodhur për shkak kryeparlamentarit apo presidentit. Jam shume i bindur se pas deshtimit të Albinit, Thaçi do ta mandatojë dike nga LDK (Vjosen). Nese e pranon Vjosa, atehere nje marreveshje LDK-AAK-NISMA dhe minoritetet do të formohet, nese Ramushit, pasi ka dhene doreheqje, do t’i premtohet posti i Presidentit. Ne kete rruge, mund ta pengoje vetem Thaçi, i cili do ta deshironte nje mandat të dyte.
Edhe ashtu, keto 20 vite, lufta për pushtet eshte zhvilluar ne mes te Thaçit dhe Ramushit. Ne momente të caktuar a, secilit i ka ndihmuar LDK. Albini, nga mendjemadhesia nuk diti ta shfrytezoje LDK-ne, e cila eshte parti me të cilen qeveriset me se lehti.
NB: Do të kisha deshire qe e hena e 3 shkurtit 2020, të me demantojë!
