Gjykata amerikane la në burg një ish-punonjës të konsullatës i cili ka qenë dhe punonjës i Ministrisë së Jashtme të Kosovës për nëntë vjet.
Gjatë punës së tij si punonjës në Ministri ai kishte krijuar një skemë të hollësishme sesi të pastronte paratë dhe të shiste armë të rrezikshme kartelave të drogës.
“Arrestim dhe dhënia e dënimit për Albert Veliu, shënon një fitore të rëndësishme për zbatimin e ligjit në ndërprerjen e një rrjeti ndërkombëtarë të pastrimit të parave dhe trafikimit të armëve që furnizonin kartelat e drogës në Meksikë”, tha prokurori amerikan Richard Donoghue.
Siç kishte raportuar edhe më parë BIRN, Albert Veliu, 37-vjeç, punonte si zyrtar në konsullatën e Kosovës me bazë në Neë Yourk dhe gjithashtu ishte punonjës i Ministrisë së Punëve të Jashtme.
Sipas Departamentit të Drejtësisë, në tetor 2017, ai bashkë me bashkëpunuesit e tij u takuan me një burim konfidencial të DEA, i cili përfaqësonte veten si një trafikant narkotikësh që kërkon të pastrojë të ardhurat e tij të paligjshme përmes një korporate.
Veliu pranoi të ndihmonte në këmbim të një komisioni. Ai pastaj orkestroi skemën e pastrimit të parave, ndër të tjera, duke shkëmbyer para për kontrollet e supozuara “të pastra” të bëra në korporatë. Kontrollet u mbështetën nga dokumentet mashtruese dhe faturat false.
Gjatë hetimit, burimi i dha Veliut rreth 800,000 dollarë në të ardhurat e pretenduara të drogës për tu pastruar, thuhet.
Më vonë gjatë hetimit, Veliu informoi një burim tjetër konfidencial të DEA se ai kishte qasje në armë zjarri në Kosovë dhe ishte i gatshëm të ndërmjetësonte një shitje. Ai dhe ky burim u pajtuan që Veliu të blinte dhe më pas të shiste armë që besohet se ishin të lidhura me kartelet e drogës që vepronin në Meksikë.
Pasi pranoi pagesa për armët, Veliu udhëtoi në Kosovë për të dorëzuar armët e zjarrit një individi për të cilin besohej se ishte bashkëpunëtor.
Në dy raste të veçanta, Veliu dhe bashkëpunëtoret e tij u siguruan individëve me 14 AK-47 dhe një Anti-tank raketë M80 Zolja të pajisur me një raketë 64 mm./Fjala.al
