Spanja konfirmon rastin e parë me coronavirus, një turist gjerman ishte prekur nga virusi ndërkohë që ishte me pushime në Ishujt Kanarie.
Burri u fut në karantinë spitalore të mërkurën pasi kishte shfaqur simptomat. Ai kishte rënë në kontakt me një pacient tjetër që ishte me coronavirus në vendlindjen e tij përpara se të fluturonte për në Spanjë.
Turisti gjerman është shtruar në spitalin La Gomera, një nga ishujt Kanarie të Spanjës.
“Qendra Kombëtare e Mikrobiologjisë ka konfirmuar një rast të coronavirusit të zbuluar në Spanjë pas testeve në njërën nga mostrat e dërguara nga La Gomera.
Pacienti është futur në karantinë në spitalin e La Gomera.
Ai ishte pjesë e një grupi prej pesë personash që ishin nën vëzhgim pasi doli se ai kishte qenë në kontakt në Gjermani me një pacient të diagnostikuar me sëmundjen.”, tha zëdhënësi i Ministrisë së Shëndetit në Spanjë të premten në mbrëmje./Fjala.al
