Ministria e Infrastrukturës dhe Energjisë ka njoftuar se duke nisur nga data 29 mars do të fillojë fluturimet avioni më i ri i Air Albania i cili mban emrin e shkrimtarit dhe rilindasit, Naim Frashëri.
Avioni ‘Naimi’ do të realizojë destinacionet nga dhe për në Pisa, Verona dhe Bergamo duke nisur nga 69 euro, bën me dije njoftimi. Gjithashtu sipas publikimit të Ministrisë në koston e fluturimeve do të përfshihen edhe bagazhet deri në 30 kg pa pagesë ekstra dhe ushqimin në bord të përfshirë në çmim.
“Pas Lasgushit dhe Migjenit, po vjen Naimi, avioni ynë më i ri që do t’ju zbresë në Verona, Bergamo dhe Pisa! Fluturo me Naimin duke nisur nga 69€, me bagazhe deri në 30 KG pa pagesë ekstra dhe ushqimin në bord të përfshirë në çmim. Naimi është avioni yt”-thuhet në njoftim
