Albin Kurti ka vendosur të kërkojë votën e Kuvendit për formimin e Qeverisë së re të Kosovës, ndonëse një marrëveshje nuk është arritur ende me Lidhjen Demokratike. Skenari i kreut të Lëvizjes Vetëvendosje nuk është bërë ende publik, por dihet se ai ka arritur deri më tani dakordësi vetëm me disa parti minoritare.
Ndërkohë, Boiken Abazi, kreu i Qendrës së Vetëvendosjes në Tiranë, paralajmëron se të hënën, vendimi që do të marrë Kuvendi, për ta votuar ose jo Qeverinë e Kurtit pa LDK-në, do kthejë vitin 2020 në vit të ndryshimeve ose në vitin kur do të organizohen protestat masive.
“Kuvendi i Republikës së Kosovës e ka në dorë të marrë vendim ditën e hënë nëse vitii 2020 do jetë viti i qeverisë së ndryshimeve të qeverisë Kurti 1, apo viti ku do i shtyjë qytetarët të organizojnë protesta masive që do rrëzojnë çdo lloj qeverie të pushtetit të vjetër”, shkruan Abazi.
Sa i përket situatës politike në Prishtinë, negociatat VV-LDK vijojnë ende.
