Skuadra e Real Madrid duket se është me e lumtur tashmë pasi në sfidën e së enjtes ndaj Real Sociedad për Kupën e Mbretit do t’i bashkohet Eden Hazard.
Sipas raportimeve të medieve spanjolle bëhet me dije se belgu qëndronte jashtë fushave për një periudhë prej 2 muaj e 10 ditë.
Sulmuesi pritet që të jetë pjesë e formacionit të çerekfinales që në startim të takimit kundër skuadrës baske. Kjo ndeshje do të zhvillohet në stadiumin “Santiago Bernabeu” dhe pritet të mos jetë shumë e lehtë për madrilenët.
Hazard rikthehet në momentin më të mirë të “Los Blancos”, të cilët aktualisht kryesojnë La Ligën, kampionatin më të rëndësishëm të futbollit në Spanjë. Rikthimi i tij pritet të jetë tepër i rëndësishëm për ballafaqimin e parë me Manchester City-in në 26 shkurt për fazën e 1/16 të Ligës së Kampioneve./Fjala.al/
