“Operacioni Forca e Ligjit” është njësia speciale e cila është ngritur në kuadër të paketës “antiKÇK” dhe sot sekuestroi kompleksin “Golden” në Shijak, në pronësi të familjes Hajri.
Ndërkohë, në emisionin “Open” në Top Channel, Julian Hodaj, zv.ministër i Brendshëm, theksoi se kjo strukturë po përgatitej prej kohësh, por u vonua për shkak të tërmetit të 26 nëntorit.
I pyetur për një “listë të zezë” me 250 subjekte që do të goditen nga “OFL”, Hodaj nuk e mohoi, ndërsa paralajmëroi se nesër do të ketë një tjetër aksion si ai i ndërmarrë ndaj kompleksit luksoz të bandës Hajri.
“Po ka një listë që ka ekzistuar prej kohësh, por nuk ka rëndësi se sa është nurmi në këtë listë. A janë 50, 100 apo 250 nuk ka rëndësi. Nesër do të ketë një tjetër aksion”, tha zv/ministri i Brendshëm.
