Ditën e dielë në Itali do të luhet derbi i madh ai midis Interit dhe Milanit. Kjo ndeshje gjithmonë tërheq tifozë nga mbarë bota, pasi cilësohet si më e rëndësishmja në Serinë A.
Portieri i zikaltërve, Samir Handanovic shpreson të luajë në derbin e Milanos, pasi pritet që të bëjë stërvitje me një dorezë mbrojtëse.
Klubi i Interit njoftoi ditën e hënë se slloveni ka thyer gishtin e vogël të dorës së majtë, si dhe shtoi se pritet të mungojë në disa ndeshje.
Ndërkohë medie të shumta italiane raportojnë se Handanovic mund të mos marrë pjesë në tre deri në katër javë. Megjithatë vetë 35-vjeçari dëshiron me çdo kusht që të marrë pjesë në derbi, ndaj dhe do vazhdojë stërvitjen me skuadrën.
“La Gazzetta dello Sport” bën me dije se Handanovic do të stërvitet me një dorezë mbrojtëse në ditët në vijim për të provuar nëse mund te jetë në gjendje të luajë./Fjala.al/
