Ylli i skuadrës së Paris Saint-German, Kylian Mbappe ka vendosur që të mos e rinovojë më kontratën me klubin francez.
Në një raportim të medies spanjolle të “OKDIARO” thuhet se ai është duke kërkuar një transferim te skuadra e Real Madrid. Bardhezinjtë e Spanjës kërkojnë që sulmuesi francez të bashkohet me ta që në kohën kur ai ishte pjesë e skuadrës së Monacos, megjithatë ky transferim nuk u bë i mundur asnjëherë.
Kushtet tashmë duket se janë shumë ndryshe, pasi kemi të bëjmë me prishjen e marrëdhënies së sulmuesit me trajnerin Tuchel. Kjo gjë u pa dhe në ndeshjen e fundit ku Mbappe u zëvendësua me Mauro Icardin
Prurjet e reja në klubin francez duket se e kanë shqetësuar së tepërmi sulmuesin, i cili është duke e menduar seriozisht largimin nga kjo skuadër.
Ndërkohë, madrilenët janë të gatshëm të bëjnë një tjetër goditje duke marrë Mbappe-n në radhët e tyre. Tani duhet vetëm të pritet deri në një vendim përfundimtar të lojtarit dhe klubeve./Fjala.al/
