Vazhdon përplasja në Ballsh ku naftëtarët kanë bllokuar hyrjen e Uzinës. Ata kanë ditë që bëjnë protesta pasi janë të papaguar prej më shumë se 4 muajsh e për pasojë mësohet se para pak minutash kanë mbyllur në uzinë mjetet që kanë hyrë për tu ngarkuar. Referuar të dhënave që vijnë nga Ballshi bëhet me dije se
tri autobote kanë hyrë në Uzinë për të marrë squfur por naftëtarët nuk i lejojnë të dalin. Autobotet janë të kompanive që administrojnë uzinën. Ato marrin squfur dhe gazoil që ka mbetur nga koha kur punonte uzina.
Prej më shumë se 5 muajsh, Uzina e Përpunimit të naftës në Ballsh ka mbyllur dyert e për pasojë rreth 800 punonjës kanë mbetur pa punë. Ata janë ankuar deri në qeveri se prej 4 muajsh nuk kanë marrë pagat, ndërsa sigurimet ua kanë paguar për dy muaj më shumë.
Që nga shtatorit, naftëtarët kanë zhvilluar disa protesta ku veç zgjidhjes së çështjes se pagave kërkojnë zgjidhje edhe për perspektivën e asetit kombëtar që tashmë është në duart e privatit. n.k/Fjala.al/
