Është votuar me 86 vota pro përbërja e Qeverisë së re të Kosovës me Albin Kurtin kryeministër. 10 deputetë abstenuan për Qeverinë.
Ne jemi pasardhës të Skënderbeut dhe Adem Jasharit- tha Albin Kurti- e për këtë nuk na ka hije korrupsioni.
Pjesa më e madhe e fjalimit të kryeministrit të ri u fokusua në luftën kundër korrupsionit dhe marrëdhënieve klienteliste në administratën shtetërore.
“Unë do të jem kryeministër i të gjithë juve dhe do të dëgjoj zërin tuaj sidomos kur nuk pajtohemi sepse ne mund të kemi mendime të ndryshme, por kemi endrra të përbashkëta. Sot mbaron mënyra e vjetër e të bërit politikë, klienteliste dhe korruptive. Ftoj të gjithë punonjësit e shtetit që të refuzojnë dhe të denoncojnë korrupsionin. Nga sot ka një lidership i ri që konsideron aleatë të gjithë ata që mbrojnë të mirën e përbashkët”, u shpreh ndër të tjera Albin Kurti.
Pushtetin sot e ka fituar populli, shtoi Kurti, sepse atij i përket.
