Janë të etiketuar si rrëmbyesit e drejtpërdrejtë të Dodë (Jan) Prengës. Janë shpallur në kërkim me urdhër të prokurorisë dhe akuzohen si personat që kanë qenë pjesë e pazarit prej rreth 300 kg kokainë të mbajtur peng në Angli. Sipas të dhënave të policisë ata janë të grupit të fuqishëm kriminal që lidhet me fisin Bajri në Shkodër.
Dhe për këtë arsye bëhen të parët që do tu vihen në çelës pasuritë deri në momentin e plotësimit të formularëve. Policia ka bërë publik jo vetëm personat të cilëve iu është sekuestruar pasuria por edhe sendet dhe objektet që do të jenë objekt i punës së FLO-së. Përveç familjes Doçi në Bleran dhe Majnishtës në Skënderbeg, janë edhe dy persona të tjerë që janë në foksu të këtij operacioni.
Njoftimi zyrtar
Një vazhdim të aksionit të nisur ditën e djeshme nga Operacioni Forca e Ligjit, lidhur me ngjarjen e datës 7.01.2020, sot, më datë 04.02.2020, Drejtori i Përgjithshëm i Policisë së Shtetit ka nxjerrë urdhrat e sekuestrimit për subjektet e mëposhtme:
Shtetasit A. M., me banim në lagjen Skënderbeg, Shkodër, i është sekuestruar:
.Një banesë njëkatëshe, e ndodhur në lagjen Skënderbeg, Shkodër.
Shtetasit M. D., me banim në Nicaj, Shkodër, i është sekuestruar:
- Një banesë dykatëshe + një kat njësi shërbimi, e ndodhur në lagjen Fermentim, Shkodër;
- Pasuria e llojit arë me sipërfaqe 1541 m2 ;
- Pasuria e llojit truall me sipërfaqe 350 m2.
Shtetasit A. D., me banim në lagjen Bleran, Njësia Administrative Rrethina, Shkodër, i është sekuestruar:
- Një banesë dykatëshe, e ndodhur në lagjen Bleran, Njësia administrative Rrethina, Shkodër;
- 3 automjete
- 1 motor.
Shtetasit G. F. me banim, lagjen Skënderbeg, Shkodër, i është sekuestruar:
- Një banesë vilë katërkatëshe, me pishinë;
- Një automjet;
Shtetasit A. D. me banim në lagjen Bleran, Njësia Administrative Rrethina, Shkodër, i është sekuestruar:
- Një banesë trekatëshe, e ndodhur në Hot i Ri, Shkodër.
Shtetasit M. B., me banim në Grudë e Re, Shkodër, i është sekuestruar:
Një banesë dykatëshe + një kat papafingo, e ndodhur në Grudë e Re;
- Një automjet; n.k/Fjala.al/
