Më herët u raportua se 28-vjeçari, Besnik Kokonozi ishte gjetur i pajetë, ndërsa dy ditë më parë kishte marrë mjekim në spitalin e Librazhdit pasi kishte pasur temperaturë të lartë.
Mjeku Bashkim Vasku i spitalit të Librazhdit, i cili kishte mjekuar të riun, tha për ‘News24’ se 28-vjeçari ishte paraqitur me skuqje në fyt dhe temperaturë 39. Pasi i kishin dhënë medikmentet ai ishte larguar për në shtëpi.
Sipas mjekut shkak i vdekjes së të riut mund të ketë qenë ndonjë komplikacion.
“Rasti u paraqit në orën 19:15 me skuqje të fytit me temperaturë 39. Aplikuam një medikament për rënien e temperaturës. Më pas u njoftuam se gjendja ishte rënduar dhe konstatuam që ka ndërruar jetë.
Përveç asaj skuqjes që pamë dhe gjendjes virale duhet të ketë patur ndonjë problem tjetër.
Nuk konstatuam gjë tjetër nga ai. Temperatura i ra dhe në orën 12:00 i filloi prap. Nuk e di mori mjekimet që mori apo jo, por që për temperaturën do ketë përdorur. Do të ketë pasur komplikacion, është rasti i rrallë por ne nuk konstatuam gjë tjetër.
Ishte një skuqje e fytit dhe temperaturë 39, kaq. Si gjendje ishte mirë por virozë kishte, jo grip. “- tha mjeku Bashkim Vasku./Fjala.al
