“Vëllai është rehabilituar”, motra e Lul Berishës flet pas aksionit të OFL

113 563 lexime

124,178FansaPëlqeje

Formulari që iu dërguar sot Lulzim Berishës, ish-drejtuesi bandës famëkeqe të Durrësit, nga “Operacioni Forca e Ligjit”, është kundërshtuar edhe nga motra e tij, Luljeta Berisha.

Në një komunikim me “Fax News”, Luljeta Berisha theksoi se vëllai i saj është tashmë një qytetar i lirë, i cili është rehabilituar dhe që respekton të gjitha ligjet e vendit.

Sipas saj, Lulzim nuk zotëron më asnjë pronë pasi ato i janë sekuestruar nga Prokuroria e Krimeve të Rënda teksa vuante dënimin. Ajo tregoi se Lul Berisha ka aktualisht një lokal, ambientin e të cilit e ka marrë me qira.

Në formularin e OFL-së, personat e dyshuar duhet të deklarojnë të gjitha pasuritë dhe burimet e financimit.

Pjesë nga biseda:

Luljeta Berisha: Nuk ka ardhur asnjë formular, dhe do të kërkoja përmes jush si media e lirë dhe e pavarur, që të mos spekulohet. Ka qenë i dënuar nga Krimet e Rënda, Gjykata e Lartë ia ka hequr burgimin përjetë, ndërsa ka dalë me ‘shërbim prove’. Ka një biznes, një lokal, ‘bar kafe’ të thjeshtë, sepse ‘shërbimi i provës’ kërkohet me kë jeton.

Çfarë pasurish ju ka sekuestruar shteti?

Luljeta Berisha: Vëllait tim gjatë gjykimit kur iu dha dënimi i përjetshëm, i është bërë edhe një gjyq pasurie ndaj familjarëve të tij, të cilat janë sekuestruar. Vëllai është rehabilituar. Paguan taksa, është i rregullt dhe i paguan taksa këtij shteti.

A keni pasur problem me drejtësinë që pas daljes nga burgu të vëllait tuaj?

Luljeta Berisha: Asnjë lloj problemi, sepse ‘shërbimi i provës’ kërkon që të mos bëjë asnjë lloj gabimi. Biznesi është me licensë shtetërore, e kemi me qera. Ku do punojë nëse i merret biznesi, ku do ta shlyejë ai shërbimin e shtetit? Nëse nuk do të paguante taksat apo do të shkelte urdhërin e gjykatës atëherë do të kishte të drejtë shteti. Kur të vjen një letër ka ca pika aty, s’kam pasuri, çfarë do të më sekuestrojë?

Lexo edhe :  “Ke ardhur për t’u tallur”/ Sako e ashpër ndaj Berishës: Të fiket llamba duke folur!

Po llogari bankare ka vëllai juaj?

Luljeta Berisha: Tani po talleni ju?! Problemi qëndron nëse ai ka, janë më se të kontrollueshme, normal që ka sepse pagesat dhe fitimet e lokalit bëhen përmes bankës.

A keni bërë kërkesë që t’iu vihet në dispozicion formular?

Luljeta Berisha: Me sa di unë ka kontaktuar vëllai me avokatin dhe e ka autorizuar atë që shteti t’i dërgojë formularin dhe ta plotësojë, jemi dakort të zbatojmë ligjet e shtetit.

A ekziston një mundësi që ju të keni problem me drejtësinë?

Luljeta Berisha: As unë as motra ime, dhe as vëllai im nuk kemi problem ligjore, jemi një familje e rregullt dhe e nderuar, pavarësisht asaj për të cilën bëri vëllai, e shlyu me burg. Asnjë konflikt me askënd në rruzullin tokësor, jemi qytetar të lirë si çdo tjetër në republikë.

Të fundit

Përse dhemb stomaku kur ushqimi ju bie rëndë

Dhimbja e stomakut mund të shfaqet për disa arsye siç janë problemet me tretjen, fryrjet, ulçera e të tjerë. Ka...

Çfarë ndodhi? Radhë automjetesh, bllokohet aksi Strugë-Qafthanë

Teksa reshjet e dëborës intensifikohen, aksi rrugor Strugë-Qafthanë është bllokuar. Mësohet se radha e mjeteve të bllokuara është rreth 1 km e gjatë./    S.M

“Po më mbarohet kulaçi”, çfarë po paralajmëron Gjesti

Rozana Radi në spektaklin e së shtunës u shpall finalistja e parë e këtij edicioni të Big Brother. E më pas asaj iu dha...

Moti i keq në vend/Ministria e Mbrojtjes: Ja cilat janë zonat më problematike nga reshjet

Moti i keq me reshje shiu dhe dëbore ka përfshirë të gjithë vendin këtë të diel. Ministria e Mbrojtjes deklaroi se aktialisht po punohet qnë...

Burrat shpesh kryejnë krime ndaj grave që duan të divorcohen, nuk pajtohet me ndarjen

Përmes një interviste, sociologia Entela Binjaku tha se në shumë raste kemi krime ndaj grave që kane shkuar drejt gjykatës për zgjidhje martese, dhe...

Lajme të tjera

Web TV