Qeveria ka bërë zyrtare shifrën e dëmeve që shkaktoi tërmeti i 26 nëntorit. Fatura e kripur prej 985 milionë eurosh u zbulua sot nga ministri nga Fuqiplotë Bledi Çuçi.
E ndodhur në këto kushte, Shqipëria do t’i drejtohet Konferencës së Donatorëve më 17 Shkurt në Bruksel.
“Ekspertët që janë angazhuar në këtë proces, në bazë të metodologjisë së gjithëpranuar, kanë vlerësuar dëme dhe humbje në shumën prej 985,074,906 Euro. Megjithatë kur vjen fjala tek vlerat financiare të cilat do ti shpjegojë më mirë ekspertja, vlen të theksohet se ky dokument nuk është shterues dhe do të shërbejë si udhërrëfyes për Programin e Rindërtimit. Unë gjej rastin këtu të falënderoj në mënyrë të veçantë të gjithë ekipin e ekspertëve që kanë punuar për këtë raport pa të cilin ne nuk mund të shkonim në konferencën e donatorëve më 17 shkurt në Bruksel”, tha sot ministri Çuçi.
LEXO EDHE: Tërmeti “psikologjik” dhe dëmi 1 miliard euro
