Lulzim Basha, kreu i opozitës, ka bërë një denoncim të fortë sa i përket punimeve të realizuara në Qendrën Spitalore Universitare “Nënë Tereza” në Tiranë. Në një bashkëbisedim me qytetarët në “Facebook”, Basha tha se është në dijeni të problemeve te Pediatria, por edhe në të gjithë QSUT-në.
Sipas Bashës, nëse më parë “duheshin një minutë apo dy minuta për të kaluar nga emergjenca në sallë operacioni, por tani duhet të kalosh në 2-3 ashensorë për hir të fasadës”.
“Kanë filluar vdekjet e atyre pacientëve të cilëve mund t’i shpëtohej jeta nëse thelbi do kishte prevaluar mbi fasadën. Fasada në këtë rast tekstualisht po vdes njerëz në QSUT”, denoncoi kreu i Partisë Demokratike.
Bashkëbisedim me qytetarët, Basha: Uroj për zgjedhje të parakohshme
