Edhe sot Zlatan Ibrahimoviç është stërvitur në një seancë të personalizuar, për t’u bashkuar ditën e nesërme me shokët e skuadrës, që të përgatiten për derbin që do luhet ditën e djelë me ekipin e Interit.
Nëse tifozët kuqezinj do të prisnin me padurim lajme për Ibrahimovic nga Milanello sot, ata mund të ndjehen të lehtësuar, pasi suedezi, ashtu si dje ishte duke bërë një punë të personalizuar në fushë këtë mëngjes.
Procesi i punës së suedezit ishte të martën në palestër, dje dhe sot në fushë më vete dhe nesër bashkohet me skuadrën raporton media italiane “La Gazzetta Dello Sport”.
Është mëse normale që të gjithë, duke filluar nga Pioli, do të dëshirojnë të jenë sa më të kujdesshëm në lidhje me Zlatan dhe rëndësinë e pranisë së tij në derbi.
Në ndeshjen kundër Veronës, kur ai ishte me grip e nuk luajti, ndryshimi midis ‘Djallit’ me dhe pa Ibrën u duk shumë qartë./Fjala.al/ Katerina Tafa/
