Mëngjesin e sotëm Greqia është shkundur nga një tërmet me magnitudë 5.54 të shkallës Rihter.
Epiqendra e tërmetit ka qenë midis Patrës dhe Korfuzit dhe ka pasur një thellësi prej 10 kilometrash. Lëkundja është regjistruar saktësisht në orën 10 e 24 minuta këtë mëngjes.
Nga të dhënat paraprake nuk raportohet për persona të lënduar apo dhe dëme materiale. Tërmeti ka shkaktuar panik tek qytetarët, sidomos tek ata që banojnë në katet e sipërme të pallateve.
