Një person i tretë është konfirmuar me coronavirus në Britaninë e Madhe.
Chris Whitty, zyrtari i lartë i mjekësisë në Britani, dha detajet lidhur me rastin e tretë të personi të prekur nga coronavirusi. Ai deklaroi se personi nuk ishte infektuar në Britani, por e kishte marrë në vend tjetër virusin.
“Pacienti është transferuar në një qendër të specializuar të Shërbimit Shëndetësor Kombëtar, dhe jemi duke përdorur masa të fuqishme të kontrollit të infeksionit për të parandaluar ndonjë përhapje të mëtejshme të virusit”, ka thënë Whittey.
“Shërbimi Shëndetësor Kombëtar është i përgatitur mirë për të menaxhuar këto raste dhe jemi duke punuar shumë për të identifikuar çdo kontakt që pacienti ka pasur”, shtoi ai.
Dy personat e tjerë të infektuar, aktualisht janë duke u trajtuar në spitalin Newcastle, Britani.
Qyteti Wuhan në Kinë është epiqendra e coronavirusit dhe ai është shpërndarë edhe në 25 vende të tjera të botës.
Së fundmi janë raportuar 563 të vdekur në Kinë ndërsa numri i të infektuarve ka shkuar në 28.018./Fjala.al
