Çështja ÇEZ është një nga dosjet më të bujshme të drejtësisë shqiptare por që u mbyll nga gjykata në mënyrë krejt të papritur.
Duke iu referuar vendimit të 24 janarit të këtij viti, kreu i grupit parlamentar, Taulant Balla i bëri thirrje gjyqtarit Lazër Sallaku, që të mos vonojë zbardhjen vendimin për mbylljen e dosjes ÇEZ.
Sipas Ballës, dosja do të apelohet, pavarësisht se Sallaku e mbylli në datë 24 janar.
“Historia që në këtë vend që dosjet hapeshin dhe mbylleshin nga prokurorë dhe gjyqtarë të korruptuar, gjyqtarit Lazër Sallakut i them të heqë dorë nga historia e moszbardhjes së vendimit për dosjen OSSH. Sot ka mbaruar afati që duhet të kishte zbardhur vendimin. Me shpresën se nuk do ta apelojmë ky gjyqtar, këtij anëtari të KCK i them se dosja OSSH sikur edhe të tjera nuk mund të mbyllen me vendime të turpshme”, u shpreh Balla.
