Klubet e Premierë Ligë votuan në mbledhjen e aksionarëve ditën enjten (sot) që të ndryshohet afati i transferimeve të verës për ta rikthyer atë në përputhje me pjesën tjetër të Evropës.
Kjo gjë nënkupton se merkato e kësaj vere do të mbyllet më 1 shtator në orën 17:00 për të gjitha klubet e Premier Ligë raporton “Sky Sport”, duke e zgjatur afatin e transferimeve për klubet angleze.
Kjo do ta zhvendos datën e mbylljes në pikën tradicionale në fund të gushtit ose në fillim të shtatorit. Data e mbylljes së transferimeve të vitit 2020 do të jetë pra në 1 Shtator ( jo 31 Gusht 2020 duke qenë një pushim në Bankën e Bashkuar).
Rikujtojmë që në vitin 2017, klubet e Premier Ligës votuan të mbyllnin transferimet një ditë para fillimit të sezonit të ri, duke braktisur afatin e gjerë evropian në fund të gushtit.
Menaxherët e Premier Ligës u tronditën atëherë nga ndryshimet, pasi sipas tyre kjo gjë i linte klubet në Angli në një disavantazh me skuadrat evropiane, të cilat do ishin në gjendje të nënshkruanin me lojtarët pasi të ishte mbyllur merkato për Anglinë.
Kur votimi u zhvillua dy vjet më parë, vetëm Manchester United, Manchester City, Crystal Palace, Watford dhe Swansea u shprehën kundër ndryshimit.
Shefi ekzekutiv i ri i Premier Ligë, Richard Masters, foli përpara votimit dhe tha se dalja e Britanisë nga Bashkimi Evropian mund të jetë një faktor vendimtar në të menduarit e klubeve.
“Një nga arsyet është sepse sistemi i imigracionit do të ndryshojë dhe mund merkato mund të jetë dritarja e fundit ku liria e lëvizjes është e mundur, klubet mund të dëshirojnë të përfitojnë nga merkato më e gjatë për t’u siguruar që kanë përfituar plotësisht ,”-tha ai./Fjala.al/ Katerina Tafa/
