Presidenti Ilir Meta ka shtrënguar duart me Sekretarin Amerikan të Shtetit Michael Pomepo në darkën e organizuar me Aleancën Ndërkombëtare për Mbrojtjen e Lirive Fetare. Meta ishte zyrtari i dytë që Pomepo priti në SHBA.
Përmes një postimi në Facebook, kreu i shtetit, Ilir Meta i ka konfirmuar Pompeos se Shqipëria do vazhdojë të jetë shembull i harmonisë ndërfetare dhe një mbështetëse aktive e Aleancës. “I nderuar të merrja pjesë në darkën zyrtare të organizuar në Departamentin e Shtetit, nga Sekretari Amerikan i Shtetit, Michael Pompeo, me Aleancën Ndërkombëtare për Mbrojtjen e Lirive Fetare”, shkruan Meta.
Më herët, ishte kryeministri Rama, i cili u takua me Sekretarin Amerikan të Shtetit, ku diskutuan për zhvillimet në raport me Iranin, qëndrimin e Shqipërisë në këtë çështje, si dhe reformat e ndërmarra nga qeveria shqiptare, kryesisht mbi reformën në drejtësi.
LEXO EDHE:
