Mediat e huaja kanë publikuar pamjet e frikshme të avionit turk, i cili rrëshqiti në pistë dhe u nda në tri pjesë,vetëm një natë më parë.
Avionin e pasagjerëve Pegasus Airlines, i cili po vinte nga qyteti i Izmirit, rrëshqiti nga pista, pasi zbarkoi në aeroportin Sabiha Gökçen të Stambollit.
Medieve turke raportojnë se Boeing 737-800 u nda në tri pjesë dhe u përfshi nga flakët, ndërsa “Daily Mail” ka publikuar pamjet dramatike që tregojnë momentin e ndarjes së avionit gjigant.
Zjarrfikësit dhe ambulancat u dërguan në vendin e ngjarjes menjëherë pas aksidentit.
Avioni mbante 171 pasagjerë dhe gjashtë anëtarë të ekuipazhit, sipas ministrit të Transportit, Cahit Turhan. Ai tha se nuk kishte viktima, por disa pasagjerë u lënduan. /Fjala.al
